Profésor Édi S. Ékajati téh ahli filologi jeung sajarah Sunda. Ngaréngsékeun program doktor di UI (1977-1979) kalayan yudisium cum laude. Nu ditalungtik dina disertasina ngeunaan Carita Dipati Ukur.
Prof. Édi aktif nulis buku jeung ngayakeun panalungtikan dina widang sajarah. Hasil tulisanana: Fatahillah Pahlawan Arif Bijaksana (1974), Penyebaran Islam di Jawa Barat(1975), Wawacan sajarah Galuh (1981), Cerita Dipati Ukur: Karya-karya satra Sejarah Sunda (1982), Masyarakat Sunda dan Kebudayaannya (éditor, 1984), Kebudayaan Sunda (1991), jeung Kebudayaan Sunda: Suatu Pendekatan Sejarah (1995).
Prof. Édi kungsi jadi redaktur Kalawarta Kudjang (1970-1974), Bungarampai Ilmu Sastra(1983-1984), terus milu ngokolakeun Sundanologi (1984-1987), Kepala Museum Konférénsi Asia Afrika, Dept. Luar Negeri (1980-1989). Milu marajian jeung ngokolakeun Pusat Studi Sunda ti taun 2002. Kungsi jadi dosén UNPAD, Dékan Fakultas Sastra, tur ti taun 1994 diangkat jadi Guru Besar UNPAD.
Éséyna ngeunaan sajarah nu ditulis dina basa Sunda, dikumpulkeun dina Nu Maranggung dina Sajarah Sunda (Kiblat, 2006)
sumber : Wawa Warno dalam http://wawawarno.guru-indonesia.net
sumber : Wawa Warno dalam http://wawawarno.guru-indonesia.net
